Мая галава – як пусты жбан,
там нічога няма, што б магло зацікавіць.
Пустата – гэта нуль,
бездажджовасьць хмар,
безнаяўны разьлік
без прысутнасьці марак
у кішэні.
Што ж ты будзеш рабіць?
Нарадзіўся такім,
больш дакладна – мяне нарадзілі.
Сам нічога гэтым жыцьці не зрабіў,
нарадзіцца ня змог – нарадзілі,
не падумаўшы.
Галава – жбан,
галава – бот,
балюча галаве, бо
галава навучылася марыць.
|
|
